Фудбалската вечер од Лигата на шампионите донесе вистински фудбалски спектакл со голови, пресврти и непредвидливи завршници. Најголемото внимание беше насочено кон Барселона и Атлетико Мадрид, кои блеснаа во незаборавни дуели, додека останатите натпревари понудија многу возбуда и извонредни моменти.
Бенфика 4-5 Барселона – Фудбалска симфонија во Лисабон
Најдраматичниот натпревар се одигра во Лисабон, каде Барселона оствари неверојатен камбек против Бенфика. Иако каталонците се соочија со заостанување од 3-1, со маестралната игра на Левандовски и Рафиња, успеаја да постигнат пет гола и да ја освојат победата во неверојатен дуел полн со пресврти.
Атлетико Мадрид 2-1 Баер Леверкузен – Спас во последен миг
Во Мадрид, Атлетико покажа карактер и херојство, и покрај црвениот картон. Баер Леверкузен поведе со голот на Хинкапе, но момците на Диего Симеоне, предводени од Алварез, со два гола во завршницата ја извојуваа победата и ги потврдија лидерските амбиции.
Останатите натпревари – Возбудливи дуели низ Европа
- Аталанта 5-0 Штурм Грац: Аталанта доминираше и покажа дека е еден од најефикасните тимови во лигата.
- Монако 1-0 Астон Вила: Францускиот тим со минимална победа ги обезбеди трите бодови.
- Болоња 2-1 Борусија Дортмунд: Болоња изненади со тактичка супериорност и голема борбеност.
- Ливерпул 2-1 Лил: Тимот на Арне слот продолжува да импресионира, со Салах и Елиот како клучни фигури во победата ја зациментираа лидерската позиција.
- Клуб Бриж 0-0 Јувентус: Двата тима одиграа тактичка борба без победник.
- Црвена Ѕвезда 2-3 ПСВ: Во еден од најинтересните дуели, ПСВ славеше благодарение на неверојатниот погодок на Лук де Јонг.
- Слован Братислава 1-3 Штутгарт: Германскиот тим ја потврди својата класа со убедлива победа.