Голем број граѓани денеска се собраа на протест во Скопје поради трагичната смрт на младата Фросина од Неготино.
Таа загина откако беше прегазена додека преминуваше низ пешачки премин на булеварот „Партизански одреди” во близина на пекарницата „Силбо”.
Револтираните граѓани тргнаа од пекарницата „Силбо” и се упатија кон Собранието на Република Северна Македонија, а потоа и кон обвинителството и судот. Тие јавно изразија своето недоволство и гнев поради трагичната смрт на Фросина, верувајќи дека тоа не беше несреќа, туку убиство.
Граѓаните бараа правда и адекватна одговорност за случајот, со цел да се спречат трагедии во иднина.