Вчера вечерта се случи трагедија кога патнички авион со 64 патници се судри со воениот хеликоптер со тројца членови на екипажот во близина на Вашингтон, при обид за слетување на аеродромот „Роналд Реган”.
Според последните информации, од реката Потомак се извлечени повеќе од 30 тела во која паднал авионот.
Нуркачите успешно ја пронајдоа една од двете црни кутии на авионот, но засега нема информации за можни преживеани. Хеликоптерот, кој се смета дека е воен модел Блек Хок, бил пронајден превртен, но главно неоштетен.
Локалните власти продолжуваат со интензивни пребарувања и спасувачки акции во реката, со цел да се пронајдат можни преживеани и да се утврдат причините за оваа трагедија. Ова е една од најтешките воздушни несреќи што се случиле во близина на главниот град на САД во последните години.